Қазақстан мұсылмандары діни басқармасының 35 жылдығына орай Ұлытау облысы өкілдігінде мешіт имамдары арасында 30-пара, Ясин, Мүлік сүрелері бойынша Құран жарысы өтті.
Сайысқа халықаралық Құран жарыстарының жүлдегері Яхия қари Сансызбайұлы, «Жез медресе» директоры Абдурроһман қари Асқарұлы, «Сәдуақас Ошақұлы» мешітінің бас имамы Сағындық Мұхиденұлы төрешілік қылды. 10 имам қатысқан байқаудан үздік 3 имам анықталып, марапатталды.
Сайыс нәтижесі бойынша жүлделі 1-орынды Сәтбаев қалалық «Сәдуақас Ошақұлы» мешітінің ұстазы Ауғанбай Нұрлайхан Ерланұлы, 2-орынды Жаңаарқа аудандық «Халық» мешітінің имамы Қуатбеков Асқар Мейрамбекұлы, 3-орынды Ұлытау облыстық «Ахмет ишан Оразайұлы» мешітінің наиб имамы Амангелді Саламат Амангелдіұлы иеленді.
