ҰЛЫТАУ ОБЛЫСТЫҚ «АХМЕТ ИШАН ОРАЗАЙҰЛЫ» МЕШІТІ

Жезқазған қаласында бой көтерген. 1992 жылдары қазіргі «Қазақмыс» корпорациясына басшылық еткен Т.Ұрымов мырза мешіт салдыруға қаражат бөлдірді. «Жезқазғантрест» мекемесі құрылысын жүргізген. Жезқазған қалалық әкімшілігінің  «Жер бөлу бөлімі» мекемесінің басты жобалаушылары құрылыс жұмысының жобалық сметасын дайындады, сөйтіп мешіт 1992 жылдың 7 шілдесінде пайдалануға берілген. Алла үйі 500 адамға арналған, бір қабатты, төрт бұрышына күмбезді баған тұрғызылып, әр күмбезінің басына ай орнатылған.

Сырты қазіргі заманауи ашық қызғылт түсті ұлутас плиталармен қапталған. Кіре беріс беті айшықты өрнекті плиталармен безендірілген. Ғимараттың аумағы 24х18, биіктігі 6, күмбезі 5 метр. Жанында биіктігі 17 метрлік мұнара. Күмбезінің астына «Ықылас» сүресі жазылған.

Ауласында ыстық және суық сумен жабдықталған екі бөлмелі ғимарат бар.

1991 жылы аймақ халқынан түскен қаржыға мешіт қызметкерлеріне арналған ғимарат салынды. Онда неке залы, бас имам, наиб имам, Құран оқитын бөлме, есепші бөлмесі, дәліз, кіре беріс бөлмелері қарастырылған.

Асханасы бар, оның іші ақшыл әсем түсті бояумен боялған.

ҰЛЫТАУ ОБЛЫСЫНЫҢ БАС ИМАМЫ

ЖАНСАРИН БЕЙБІТ БАҚЫТЖАНҰЛЫ

1992 жылдың 12-қыркүйегінде Сәтбаев қаласында дүниеге келген.

Білімі:

• 1999-2008 жылдар аралығында Сәтбаев қаласы, «Сәкен Сейфуллин» атындағы гимназия, орта білім;
• 2008-2011 жылдар аралығында Қарағанды қаласы, МГТУ колледжі, мамандық қаржыгер;
• 2011-2013 жылдар аралығында Қарағанды қаласы, ОҚА университеті, мамандық аудит және бизнес;
• 2013-2017 жылдар аралығында Алматы қаласы, «Нұр-Мүбарак» Египет Ислам мәдениет университеті, мамандық тәпсір және хадис.

Еңбек жолы:

• 2017-2019 жыл аралығында Қарағанды облысы, «Конфессия зерттеу және талдау орталығының» оңалту бөлімінің инспекторы;
• 2019-2022 жыл аралығында Қарағанды қаласы, «Әл-Машани» мешітінде наиб имам;
• 2022-2023 жыл аралығында Қарағанды облысы, Теміртау қаласының «Әлихан Бөкейхан» орталық мешітінің бас имамы;
• 2023 жылдың желтоқсан айынан бастап 2024 жылдың тамыз айына дейін Ұлытау облысы, Сәтбаев қалалық «Балмағамбет Балқыбайұлы» мешітінің бас имамы;
• 2024 жылдың тамыз айынан бастап Ұлытау облысы және Жезқазған қалалық «Ахмет ишан Оразайұлы» облыстық орталық мешітінің бас имамы болып тағайындалды.

Үйленген, 2 баласы бар.