CӘТБАЕВ МЕШІТІНЕ ЖАҢА ҚЫЗМЕТКЕРЛЕР ТАҒАЙЫНДАЛДЫ

Қазақстан мұсылмандары діни басқармасының төрағасы, Бас мүфти Наурызбай қажы Тағанұлының бұйрығымен Сәтбаев қалалық «Балмағамбет Балқыбайұлы» мешітіне Астана медресесінің қос түлегі тағайындалды.

Бүгінгі жұма намазда Ұлытау облысының бас имамы Бейбіт Бақытжанұлы «Отбасында ата-ананың және перзенттің құқығы мен орны» тақырыбында насихат айтып, мешіт жамағатына жаңа қызметкерлерді таныстырды. Қазақстан мұсылмандары діни басқармасының төрағасы, Бас мүфти Наурызбай қажы Тағанұлының бұйрығына сәйкес, Елусин Ризабек Мақсатұлы және Елубаев Мадияр Жасұланұлы Сәтбаев қалалық «Балмағамбет Балқыбайұлы» мешітінің молдасы қызметіне тағайындалды.

Елусин Ризабек Мақсатұлы 2000 жылдың 7-қыркүйегінде Ақтау қаласында дүниеге келген. 2022-2025 жылдар аралығында Астана қаласы, «Астана» медресе-колледжінде «исламтанушы» мамандығын оқыған.

Елубаев Мадияр Жасұланұлы 2005 жылдың 17-ақпанында Ақтөбе қаласында дүниеге келген. 2022-2025 жылдар аралығында Астана қаласы, «Астана» медресе-колледжінде «исламтанушы» мамандығын оқыған.