Жезқазған қаласында әйел-қыздар секторының ұйытқы болуымен Мәуліт мерекесіне арналған рухани іс-шара өткізілді.
Шара барысында қатысушыларға Пайғамбарымыз Мұхаммедтің (с.ғ.с.) өмірі мен өнегелі істері жайында бейнероликтер көрсетіліп, түрлі танымдық ойындар ұйымдастырылды.
Сонымен қатар, салауат айту жарысы өткізіліп, жиналған жұртшылыққа имандылыққа үндейтін уағыз-насихаттар айтылды. Шараның басты мақсаты – пайғамбарымыздың көркем мінезі мен өнегелі өмірін насихаттап, жастардың рухани тәрбиесін арттыру болды.
Мәуліт – мұсылман қауымы үшін ерекше мәні бар мереке. Осындай игі бастамалар арқылы халықтың діни сауаттылығын арттырып, бірлік пен бауырмалдықты нығайту көзделуде.
