ҚМДБ Ұлытау облыстық өкілдігіне қарасты «Зекет және қайырымдылық» қоры «Бірлігі жарасқан жамағат» еріктілер тобымен бірлесе отырып, әлеуметтік жағдайы төмен және көмекке мұқтаж 50 отбасыға азық-түлік себеттерін үлестірді.
Қайырымдылық шарасының негізгі мақсаты – қоғамдағы жанашырлық пен бауырмалдықты арттыру, мұқтаж жандарға қолдау көрсету және жамағат арасында ізгілік құндылықтарын насихаттау.
«Жақсылық жасау — жүректің кеңдігін, иманның беріктігін білдіреді. Осындай сауапты істер қоғамда мейірім мен жанашырлықтың артуына себеп болады», — дейді шара ұйымдастырушылары.
Іс-шара соңында көмек алған отбасылар ұйымдастырушыларға алғыстарын білдіріп, ел амандығы мен жұрт тыныштығына тілектестік танытты. Мұндай қайырымдылық шаралары алдағы уақытта да өз жалғасын табады.
