Сәтбаев қалалық «Сәдуақас Ошақұлы» мешітінде Ұлытау облысының бас имамы Бейбіт Бақытжанұлы жұма уағызын айтып, мешіт жамағатына жаңадан бас имамды таныстырды.
Қазақстан мұсылмандары діни басқармасының төрағасы, Бас мүфти Наурызбай қажы Тағанұлының бұйрығына сәйкес, Сәтбаев қалалық «Сәдуақас Ошақұлы» мешітінің имам қызметіне Ахмедиянов Сағындық Мұхиденұлы тағайындалды. Жұма уағызын айтып, намаз жүргізген облыс бас имамы Бейбіт Бақытжанұлы осы уақытқа дейін аталмыш мешітте қызмет қылған Рахимбеков Ғалымжан имамға алғыс білдіріп, жаңадан тағайындалған имамның қызметіне абырой тіледі.
АХМЕДИЯНОВ САҒЫНДЫҚ МҰХИДЕНҰЛЫ
1994 жылдың 19-қыркүйегінде Сәтбаев қаласында дүниеге келген. Үйленген, 2 баласы бар.
Білімі:
2001-2012 жылдар аралығында Сәтбаев қалалық «Абай Құнанбайұлы» атындағы №4 лицей-мектебі мен «Сәкен Сейфуллин» атындағы гимназия, орта білім;
2012-2016 жылдар аралығында Қарағанды қаласы, «Қарағанды мемлекеттік техникалық университеті», мамандық металлург;
2016-2019 жылдар аралығында Шымкент қаласы, «Шымкент» медресе-колледжі, мамандық исламтанушы.
Қызметі:
2019-2024 жылдар аралығында Ұлытау облысы, Сәтбаев қалалық «Балмағамбет Балқыбайұлы» мешітінің азаншысы;
2024 жыл, наурыз-тамыз айы аралығында Ұлытау облысы, Сәтбаев қалалық «Балмағамбет Балқыбайұлы» мешітінің наиб имамы;
2024 жыл, 30-тамыз күнінен бастап Ұлытау облысы, Сәтбаев қалалық «Сәдуақас Ошақұлы» мешітінің имамы.
