ҚМДБ Ұлытау облысы өкілдігінің ұйымдастыруымен РАНТ мүшесі Хожамұратов Елбек Тасболатұлы бірнеше айтулы іс-шараларға қатысты.
Атап айтқанда, Елбек Тасболатұлы Жезқазған, Сәтбаев қалалық мешіттерінде кешкілік уағыз-насихат жүргізді. Ұлытау облыстық «Ахмет ишан Оразайұлы» мешітінде басталған насихат Сәтбаев қалалық «Балмағамбет Балқыбайұлы» мешітінде жалғасты. Қазіргі уақытта актуалды болған «Мұсылманның жоғары мақсат қоюы» тақырыбында тұшымды ойларымен бөлісті. Сәтбаев қалалық «Сәдуақас Ошақұлы» мешітінде шәй-уағызға қатысып, білімімен сұрақ-жауап форматында бөлісті.
Іссапар барысында «№62 түзету мекемесінде» де үгіт-насихат жүргізді. Келелі мәселелер бойынша біршама тақырып қозғап, топтық және жекелеген кездесулер жүргізді.
Облыс орталығында орналасқан Жезқазған университеті жастары мен Жезқазған политехникалық колледж студенттерімен кездесті. Кездесу барысында «Ислам дініндегі жастар ролі» тақырыбы қозғалды.
Іссапар соңында Ұлытау облыстық «Ахмет ишан Оразайұлы» мешітінде жұма уағызын жүргізді. Насихат «Шәкәрім қажының ар ілімі» тақырыбы аясында өрбіді.
