ҚМДБ Ұлытау облыстық өкілдігіне қарасты әйел-қыздар секторының ұйымдастыруымен қасиетті құрбан айт мерекесіне орай балаларға арналған мерекелік іс-шара өткізілді.
Мерекелік бағдарлама аясында балаларға ерекше көңіл бөлініп, олар лимузинмен серуендеуге мүмкіндік алды. Сонымен қатар, бүлдіршіндер қызыл кілеммен қарсы алынып, мерекелік атмосфераны сезінді.
Іс-шара барысында аниматорлар түрлі қызықты ойындар мен көңілді бағдарламалар ұйымдастырып, балаларға көтеріңкі көңіл-күй сыйлады. Сондай-ақ арнайы жайылған мерекелік дастарханнан дәм татып, тәтті балмұздақтармен қуантты.
Шараның басты мақсаты – балаларға мерекелік көңіл-күй сыйлап, Құрбан айттың ізгілік пен мейірімге үндейтін құндылықтарын насихаттау болды.
