Ұлытау облысының бас имамы Жансарин Бейбіт Бақытжанұлы Сәтбаев қалалық «Балмағамбет Балқыбайұлы» мешітінің тыныс-тіршілігімен танысып қайтты.
«Балмағамбет Балқыбайұлы» мешітінің бас имамы Такеев Еркебұлан Ермекұлы мешіт аумағында жүргізіліп жатқан күрделі жөндеу жұмыстарымен таныстырды. «Мешіт ішінде және мешіт асханасында болып жатқан жөндеу жұмыстары тезірек бітіп, халық игілігіне берілуі керек» – деді Бейбіт Бақытжанұлы.
Одан әрі мешіт еріктілерімен біріге отыра жасалған қайырымдылық іс-шарасына қатысты. 20 отбасыға жәрдем берген барша қайырымды жандарға, кәсіпкерлерге мешіт атынан алғыс айтқан өкіл имам бірнеше кісіге арнайы өзі азық-түлік таратты.
Кездесу соңында өкіл имам Сәтбаев қалалық «Балмағамбет Балқыбайұлы» мешітінің бас имамын Сәтбаев қаласының әкімі Бөрібаев Мұрат Ерболатұлымен таныстырды. Жаңа тағайындалған бас имам қала әкімі Мұрат Ерболатұлының қызметіне береке тілеп, алдағы уақытта ел игілігіне бірлесе жұмыс істеуді уағдаласты.
