Сәтбаев қалалық «Балмағамбет Балқыбайұлы» орталық мешітінің ұйымдастыруымен мешіт имамдары «Дархан дала» жобасын насихаттау мақсатында «Алашахан» кесенесіне арнайы барды.
Бірлігі жарасқан жамағатпен бірге шыққан имамдар «Алашахан» кесенесі жайлы мәліметтер айтып, бабалар рухына Құран бағыштады.
Айта кетсек, бұл жобаның мақсаты – халық арасында дін мен дәстүрімізге сай киелі орындарды зиярат ету мәдениетін қалыптастыру, жұртшылыққа шариғат әдебін сақтауды үйрету, тарихи, киелі орындарға тур ұйымдастыру. Аталған жобаны ҚМДБ жанындағы «Darhan Dala Travel» туристік фирмасы имамдардың атсалысуымен жүзеге асырады.
Кейде киелі орындарға зиярат жасау рәсімдері кезінде шариғат талаптары сақтала бермейді. Қазақстан мұсылмандары діни басқармасы осы мәселеге назар аударып, «Зират және зиярат мәдениеті» құжатын қабылдады.
