Жәйрем кенті мешітінің ұйымдастыруымен рухани-танымдық Мәуліт кеші өтті.

Тағылымды кешке Ұлытау облысының бас имамы Бейбіт Бақытжанұлы арнайы қатысып, жамағатқа уағыз-насихат айтты. Өз сөзінде Пайғамбарымыздың ﷺ өнегелі өмірі, көркем мінезі мен адамзатқа қалдырған асыл мұрасы туралы кеңінен тоқталып, жиналған жамағатты асыл дініміздің құндылықтарын бойға сіңіріп, сүннет жолымен жүруге шақырды.

Кеш барысында жамағатқа арналған түрлі рухани-танымдық шаралар ұйымдастырылып, Пайғамбарымызға ﷺ деген сүйіспеншілікті арттыруға бағытталған тағылымды насихаттар айтылды.

Мәуліт кеші жамағаттың рухани бірлігін нығайтып, имандылық пен ізгілікке үндеген тағылымды басқосу болды.