Ұлытау облысы өкілдігіне қарасты Сәтбаев қалалық «Балмағамбет Балқыбайұлы» мешітінде «Мектепке жол» қайырымдылық акциясы өтті.
Қазақстан мұсылмандары діни басқармасының төрағасы, бас мүфти Наурызбай қажы Тағанұлының бастамасымен күллі облыстарда “Мектепке жол” қайырымдылық акциясы өтіп жатыр. Бұл акциядан Сәтбаев қалалық “Балмағамбет Балқыбайұлы” мешіті де қалыс қалмады. Іс-шара барысында 60 балаға арналған мектеп сөмкесі мен оқуға қажетті құрал-жабдықтар таратылды. Барша оқушыларды мешіт наиб имамы Такеев Еркебұлан Ермекұлы жаңа оқу жылымен құттықтап, оқуда озат болуларын тіледі.
