Республикалық Құран байқауына Ұлытау облысы бойынша іріктеу сайысы облыстық «Ахмет ишан Оразайұлы» мешітінде өтті.
Іріктеу сайысын Ұлытау облысының бас имамы Жансарин Бейбіт Бақытжанұлы алғы сөзбен ашып, Құранның қадір-қасиеті мен Құран жарысының маңызына тоқтала кетті. Іріктеу сайысына 20 қатысушы 4 номинация бойынша бақтарын сынады. Үміткерлердің Құран оқудағы қағидаларды дұрыс сақтауын халықаралық Құран жарыстарының жүлдегері Яхия қари Сансызбайұлы, «Жез медресе» директоры Абдурроһман қари Асқарұлы және Әбілда Жанбота қари қадағалады.
Мәнерлеп оқу бойынша: 1-орын Набижанов Омар (70 000тг), 2-орын Чориев Абдулвахаб (50 000тг), 3-орын Амангелді Саламат (30 000тг).
Құранның 10 парасы бойынша: 1-орын Әбіл Нұрмухаммад (70 000тг), 2-орын Амантай Мухаммад-Юсуф (50 000тг), 3-орын Қонабаев Диас (30 000тг).
Құранның 20 парасы бойынша: 1-орын Ермырза Айтжан (100 000тг), 2-орын Сейтбек Әмин (70 000тг).
Құранның 30 парасы бойынша: 1-орын Инаятуллаев Ануар (150 000тг).
Жоғарыдағы 4 номинация бойынша жүлделі 1-орын иегерлері Құран Кәрімді жатқа және мәнерлеп оқудан ХІV Республикалық Құран жарысына жолдама алды.
