“Ислам және дәстүр құндылығы” жылы аясында РАНТ мүшесінің қатысуымен Сәтбаев қалалық «Сәдуақас Ошақұлы» мешітінде рухани кеш өтті.
Кештің арнайы қонағы – Қазақстан мұсылмандары діни басқармасы РАНТ мүшесі, “әл-Әзхар” университетінің түлегі Нұрәлі Бақытұлы ұстаз жиылған жамағатқа “Пайғамбарымыздың мұсылмандарға шапағаты” тақырыбында насихат жасады. Сонымен қатар Ұлытау облыстық “Ахмет ишан Оразайұлы” мешітінің наиб имамы Елдос Қуандықұлы ұстазымыз да “Алланың дінінің қызметінде болу” тақырыбында уағыз қылды. Кеш соңында демеушілік көрсетіп, дастархан жайған бір топ жігіттер дүниеден өткен бауырының артынан құран оқытып, дұға жасатты.
