Сәтбаев қалалық «Сәдуақас Ошақұлы» мешітінде жамағатқа арналған Мәуліт кеші өткізілді.
Құптан намазынан кейін мешіт жамағатына Мәуліт мерекесінің құрметіне орай арнайы ақ дастархан жайылды. Кеш басында Сәтбаев қалалық мешітінің бас имамы Ахмедиянов Сағындық Мұхиденұлы мәуліт оқыды. Арнайы қонағымыз ҚМДБ Шариғат және пәтуа бөлімінің маманы Медет Құрмашұлы мешіт жамағатын Мәуліт айының келуімен құттықтап, қасиетті айдың қадір-қасиеті хақында баяндады. Жиылған жамағатқа Мәуліт мерекесінің Ислам дініндегі маңыздылығы жайында көркем насихат айтылды. Ардақты Пайғамбарымыздың (оған Алланың салауаты мен сәлемі болсын) өнегелі өмірімен жақын танысқан жамағат мешіт ұжымына өз алғыстарын білдірді.
