Қазақстан мұсылмандары діни басқармасы Төрағасының бұйрығымен Сәтбаев қалалық «Балмағамбет Балқыбайұлы» мешітіне имам тағайындалды.
Бүгінгі жұма уағызын Ұлытау облысының бас имамы Бейбіт Бақытжанұлы жүргізді. Бас имам “Пайғамбардың жеке тұлғасы” тақырыбында насихат жүргізіп, уағыз соңында жамағатқа мешіттің бас имамын тағайындады. ҚМДБ Төрағасы, Бас Мүфти Наурызбай қажы Тағанұлының бұйрығымен Сәтбаев қалалық “Балмағамбет Балқыбайұлы” мешітінің имамы болып Такеев Еркебұлан Ермекұлы тағайындалды.
Такеев Еркебұлан Ермекұлы 1990 жылдың 19-сәуірінде Қарсақбай кентінде дүниеге келген. Үйленген, 2 баласы бар.
Білімі:
1997-2008 жылдар аралығында Сәтбаев қаласы, «Ыбырай Алтынсарин» атындағы 19-орта мектеп және 16-орта мектеп, орта білім;
2011-2014 жылдар аралығында Астана қаласы, «Астана» медресесі, мамандық исламтанушы;
2015-2018 жылдар аралығында Алматы қаласы, «Нұр-Мүбәрәк» Египет Ислам мәдениеті университеті, мамандық усуль әл-фиқһ.
Қызметі:
2018 жылдан бастап қазіргі уақытқа дейін Ұлытау облысы, Сәтбаев қалалық «Балмағамбет Балқыбайұлы» мешітінің наиб имамы қызметін атқарған.
