2025 жылдың 5 тамыз күні «Балмағамбет Балқыбайұлы» мешітіне қарасты медреседе тағылымды семинар өтті. «Адал ас – жан азығы» тақырыбында ұйымдастырылған бұл шараға «Халал даму» ұйымының бас технологы Айжан Омарова арнайы спикер ретінде шақырылды.
Семинар барысында халал тағамның маңыздылығы, ас-тағамдағы тазалық пен шариғат талаптарына сай болудың шарттары кеңінен түсіндірілді. Қатысушылар көкейіндегі сұрақтарын қойып, пайдалы ақпараттармен бөлісті.
Шара аясында бір мекеме тексеріліп, халал талаптарына сәйкестігі қаралды. Сонымен қатар ұстазбен сұхбаттасып, халал тақырыбына байланысты сұрақ-жауап форматында қысқаметражды рилс түсірілді.
Астың адалдығы – адамның амандығы екенін ұғындырған бұл кездесу, жиналған жұртшылық үшін рухани әрі тәрбиелік мәні зор шара болды.
