Осы апта медресе шәкірттері үшін ерекше күн болды. Олар ұстаздарымен бірге табиғат тамашалап “Құран және жаратылыс” тақырыбы аясында Ұлытау жеріне тағылымды саяхатқа шықты.
Жас жүректерді имандылыққа баулып, жаратылыстың әсемдігін Құран аяттарымен ұштастырған бұл күн – рухани тәрбие мен табиғат сұлулығының үйлескен сәті болды. Шәкірттер Ұлытаудың табиғи әрі тарихи әдемілігін тамашалап қана қоймай, жаратылыстағы әрбір нәрсенің Ұлы Жаратушының құдіретіне айқын дәлел екеніне көз жеткізді. Табиғат төсінде өткен дәрістер мен сұхбаттар жас буынның жүрегінде өшпес із қалдырып, білім мен иманға деген ынтасын арттырды.
