30 наурыз күні Ұлытау облысы, Жезқазған қаласының әйел-қыздар секторы қасиетті Ораза айт құрметіне “Айттық бізден” атты жәрмеңке ұйымдастырды.
Бұл шара игі дәстүрді жандандырып, қоғамға мейірім мен қуаныш сыйлауды мақсат етті. Жәрмеңкеде түрлі тәттілер мен ұлттық тағамдар, қолөнер бұйымдары мен ерекше сыйлықтар, Ораза айттың қадір-қасиетін сезіну мүмкіндігі болды. Қонақтар мен қатысушылар бұл шарадан ерекше әсер алып, қуаныш пен алғыстарын білдірді. Осындай сауапты іс-шаралар қоғамдағы бірлік пен берекені нығайтуға үлкен үлес қосады. Барша ұйымдастырушыларға, қатысушыларға және қолдау білдірген жандарға алғысымызды білдіреміз! Алла разы болсын!
