Қазақстан мұсылмандары діни басқармасы төрағасының орынбасары, наиб мүфти Сансызбай қажы Құрбанұлы Ұлытау облыстық «Ахмет ишан Оразайұлы» мешітінде тарауық уағызын айтты.
Сансызбай қажы Құрбанұлы Қазақстан мұсылмандары діни басқармасы бекіткен «30 күнге 30 уағыз» жобасы аясында «Уақып – сарқылмас қазына» тақырыбында насихат айтты.
Алаш қайраткері Міржақып Дулатұлы атамыздың:
Жарар еді ортада мешіт салсақ,
Қаза қылмай намазды барып тұрсақ,
Бір ғалымды фазыл заттан имам сайлап,
Байларымыз жиналып уақып қылсақ, – деген өлең жолдарын тілге тиек етіп, уақып жайлы кең мәліметтермен бөлісті.
