Қазақстан мұсылмандары діни басқармасының төрағасы, Бас мүфти Наурызбай қажы Тағанұлы Ұлытау облысына жасаған жұмыс сапары барысында өңірдің ақсақалдарымен арнайы кездесті.
Кездесу барысында Бас мүфти қазақ халқының рухани тірегі – отбасылық тәрбие, үлкенге құрмет, ұлттық салт-дәстүр екенін атап өтіп, ақсақалдардың қоғамдағы орнына ерекше тоқталды.
«Ізгі қоғам – үлкенге құрмет, кішіге ізеттен басталады. Біз ұрпақ тәрбиесінде материалдық мұрадан бұрын, рухани құндылық пен өнегелі өмір салтын үлгі етуіміз қажет», – деді Наурызбай қажы Тағанұлы.
Басқосуда ақсақалдар тарапынан бірқатар ұсыныстар айтылып, Бас мүфти елдің бірлігі мен руханияты жолында бірлесе қызмет етуге шақырды.
