Ұлытау облысы бойынша «Әйел-қыздар» секторының ұйымдастыруымен мешіт шәкірттері арасында дәстүрлі садақ ату бойынша ұлттық рухтағы жарыс өтті.
Игі шараға Жезқазған, Сәтбаев қалаларынан, Жаңаарқа, Жәйрем аудандарына қарасты мешіттерден 23 шәкірт қатысып, мергендік қабілеттерін ортаға салды. Сайыс барысында қатысушылар арасындағы ең жас шәкіртіміз Құрманғазы Айша қайсар мінезімен көзге түсіп, көрермендердің ыстық ықыласына бөленді. Жарыс барысында қазақы нақыштағы дастархан жайылып, ұлттық сусынымыз – қымыз ұсынылды.
Жарыс нәтижесінде үздік шыққан қатысушылар жүлделі орындармен марапатталып, әрбір шәкіртке ақшалай сыйлықтар мен алғыс хаттар табысталды. Сонымен қатар, облыстық «әйел-қыздар» секторының меңгерушісі Қожағазина Аяулым ұстаз жүрек тербетер уағыз-насихат айтып, дәстүрімізді дәріптеуге шақырды.
