Ұлытау облысына қарасты барлық мешіттерде Қазақстан мұсылмандары діни басқармасының бастамасымен «Мектепке жол» қайырымдылық акциясы өтті.
Қайырымдылық – Қазақстан мұсылмандары діни басқармасының бағдарлы бағыттарының бірі. Қайырымды істердің көш басында тұрғаны, сөзсіз, «Мектепке жол» акциясы. Бұл іс-шара барысында 150 балаға мектепке қажетті сөмкелер мен құрал-жабдықтар табысталды. Қайырымдылық шарасына қатысқан бас имам Бейбіт Бақытжанұлы ата-аналар мен балаларды алдағы жаңа оқу жылымен құттықтап, оқуда озат, еңбекте табысты болуын тіледі. Шарапаты мол сауапты шара аясында көмек алған балаларының жүзіндегі қуанышты көрген ата-аналар ұйымдастырушыларға алғыс білдіріп, ризашылықтарын жеткізді.
